湯洛雯「初戀」純情獻吻　馬德鐘嫌唔浪漫

藝湯洛雯與馬德鐘日前為新劇《雙生陌生人》在打鼓嶺的農場，拍攝一場擁抱戲，劇中飾演情人的他們透露親熱戲不多，符合純情的初戀，日前拍攝的一場接吻戲，也只是蜻蜓點水式，靚湯說：「場戲喺船上拍，當日打風以為拍唔到，但最後天公作美，仲拍到好靚嘅剪影，超額完成，拍出嚟好浪漫。」問到有否勾起初戀回憶？兩人異口同聲說沒有，馬德鐘解釋：「因為隻船不斷搖，拍攝時一啲都唔浪漫。」

動作戲多　考驗體力
今次馬德鐘在劇中一人分飾兩角，有時也會演到混淆，並首次自己跟自己做對手戲。由於拍攝密度高，不免憔悴了不少：「以前拍劇都會有少少時間去健身同去美容院，但今次真係冇，只可以每晚自己敷臉膜。」劇中他還有出海打魚、飛車衝落海及吊威吔的場口，頗考驗體力。