余慕蓮去年底因肺纖維化，一度留醫深切治療部，今年四月回家休養。趁著中秋佳節，她相約薛家燕、安德尊等飲茶歡聚。
余慕蓮氣息很好，精神奕奕：「我依家好彩喇，唔使坐輪椅，我剩係用呢個嘢（助行架）。」有指肺纖維化凶多吉少，她也不諱言自己確係好彩：「我想玩多幾年先，我好感恩，啲人話我之前入ICU，10個入去9個都唔出得嚟，我肺纖嘛，依家幾個月要打一次標靶藥，一次幾千元。」
余慕蓮開心大啖食乳鴿，在旁的薛家燕憶述最初余慕蓮根本無法進食，後來經過練習後慢慢能吞嚥，大讚對方積極樂觀。余慕蓮多番表示自己是死過返生，希望之後出街連助行架也不需要用：「我想做番正常嘅人﹗之前死過翻生，講唔到嘢，食唔到嘢，包尿片，瞓覺瞓到我背脊又爛，屁股又生瘡，幾辛苦，我以為會死，但死過翻生。」
—
—
—
—
