拍戲仍堅持返學
據知，姜皓文與陳煒今次「接令」飾演人氣王Gigi的父母，由於劇組要求暫時將「父母名單」保密，故早前記者向Gigi求證時，她只簡單回應：「如果真嘅話，梗係機會難得啦！我有追睇佢哋嘅劇集，佢兩個演技好好，係好難得嘅演員。」而錢嘉樂與湯盈盈夫妻檔相隔20年再次「合體」拍劇，今次扮演文凱婷的雙親，據悉首天開工兩夫婦就主動「萬歲」，帶來幾盒冬甩「宴客」，一眾後生仔興奮得歡天喜地，火速打成一片。
另外，Gigi、Chantel及冼靖峰早前為該劇開工，由於之前曾經歷兩次8號風球，劇組當日要抓緊時間趕戲，令兩女異口同聲形容拍攝相當漫長，不過Chantel賣口乖說：「冇得怨，因為工作人員比我哋早到遲收，佢哋仲辛苦。」二人又透露即使疲累都會堅持翌日上學。劇中Chantel扮演一名社交障礙症女學生，問到如何演繹，她說：「觀察身邊成日唔講嘢嘅同學，同埋導演好好，佢真係好細心咁同我哋對戲，等我哋投入啲。」
除了校園戲份，早前Gigi於北角一個商場餐廳內，與陳煒、JW等開工拍戲，劇情相信是老師見家長的戲份，3人鏡頭內外都特別啱傾，看來陳煒與Gigi已培養出「母女情」，拍攝亦十分順利。
