《全民造星IV》已經播出一星期，梁祖堯於社交平台，分享擔任導師的感想。
他寫下千字文，說剛過去的星期五（11月5日）是30強晉級賽，他要為一班囡囡準備比賽，因此沒有時間看節目。他坦言，當初不看好這班女生，花姐更於第一集爆粗說，「這節目一定不好看」：「96強當晚，我哋個個都覺得大部分參賽者嘅質素好一般。拍咗近26小時，都揾唔倒一個覺得『嘩！呢個紅硬！』嘅人選。」
他雖不看好這些參賽者，但內心仍十分欽佩她們，因為首回合由化妝開始到最後一個參賽者出場，其實用了足足27小時。但都會思考參賽者質素能否令節目好睇：「節目唔好睇，最後隊女團就好危。我覺得香港觀眾已經唔會再好似對MIRROR咁，畀三年時間你哋去成為星。佢哋已經對你哋有好大嘅期望，要一出道就已經準備好了。」
在 Instagram 查看這則帖子
梁祖堯都劇透自己將會自打嘴巴：「呢一刻嘅我覺得，香港娛樂圈有一班咁熱血嘅女仔而有希望。真心的。 鏡頭前的反應，一部分係節目效果啦。嚇到呀融message 我問係咪揾到我唔開心，哈哈，梗係無啦，為咗想同呀佛喺房內有多啲嘢發生，等個節目開始時戲劇性啲，真係要放大小小啲反應嘅，唔洗擔心。」
他又說：「不過，我一開始真係有睇低過你哋呢班女仔，是真的。我必需要向你們道歉。你哋一日一日以光速成長，用心去學習，用愛去表演，我感動得在人前人後流過無數眼淚。你哋嘅堅強，比男人有過之而無不及！ 我愛你哋，造星4嘅每一位女漢子！而喺你哋身上亦學到太多了。」
