漁護署頒下市區野豬「殺豬令」，日前於香港仔深灣道用麻醉槍捕獲7頭野豬，並用藥物注射作「人道毀滅」。
署方做法引起外界質疑，張敬軒亦於IG發「限時動態」，稱其住處的鄰居，除了其他人外亦有野生動物包括野豬：「我嘅鄰居除咗有一班好鍾意開party嘅人士、樓下教授梁夫人以外，仲有箭豬仔一家大細，黃麂兩隻，野豬兩公婆阿梅同阿強。」
他表示，好喜歡亦都好享受人類同野生動物一齊共存的生活方式：「你知嘛，唔係度度都有㗎。呢啲生態資源亦都係呢個國際都會兼石屎大森林入面珍貴嘅一種生活方式。要解決問題唔係剩係得殘忍嘅方法，所謂辦法總比困難多，只要肯去諗，冇話冇。」
張敬軒Official：#張敬軒[超話]# [擠眼] — 張敬軒Official
他又表示：「我會同阿強兩公婆講，你哋要保護好自己同啲細路，唔好成日周圍走喇。我都唔明，其實我哋作為眾生之一，又有乜嘢權去任意獨佔呢個屬於彼此嘅棲息地。」
MIRROR成員 AnsonKong引用《NATIONAL GEOGRAPHIC》一篇文章，相中人與魚群在深海同游：「生命平等，在地球上，每個生命都應該有權利去生存。」
