ViuTV真人騷《全民造星IV》已正式誕生60強，當中從復活區晉級的12位參賽者，分別是Ashi、Yoyo、Candy、CK、Ｗinwin、Ariel、Gao、Ash、咖哩、Miko、方方及阿Ling。不過網民對於梁祖堯選擇方方同阿Ling非常不滿， 更指祖堯有私心！
梁祖堯星期日於社交平台發長文說：「好多人鬧點解唔救呀妹，Yanis , Jackie 等？想㗎。真係想㗎…」
他解釋：「復活區內我認識嘅人亦唔止佢一個。而點解39歲就唔可以追夢？復活方，同樣因為舞台實力。名額有限，我哋都非常之無奈，而呢一種無奈，喺呢三個月內都不停會重複出現，因為始終比賽就係一個比賽，就係每次都要有人被淘汰。」
他又指，拍攝是三個月前，實在難以估計觀眾對他們的期望：「觀眾緣都係軟實力嘅一種，但係三個月前，當時所有宣傳都未出街，我哋根本無辦法用呢一樣嘢來做衡量，實在難以去預測觀眾對佢哋嘅期望。最後同觀眾期望有落差，都好心痛，感覺上真係放棄了一些原來非常得觀眾歡心嘅表演者。」
身為四個小朋友母親的Ling，亦有在社交平台回應：「我唔需要靠關係入選囉！你冇嘗試去睇吓我幾努力啫。不過唔緊要，個人喜好唔同其實OK，只需要互相尊重。」、「17歲有大好前途會咁易被抹煞到？有冇咁脆弱呀？有冇諗過你咁講其實係抹煞咗我嘅努力？」
