【拳王】為1分鐘片段爬鐵鏈挺舉 張振朗：畀觀眾感受拳手去得幾盡

TVB台慶劇《拳王》提到張振朗飾的「海正藍」，一心要贏走金腰帶，經歷一系列訓練後，終於踏上泰拳擂台！整個操練片段片長約57秒，但振朗為了這個場口卻做了多項鍛鍊，如爬鐵鏈、凌空挺舉、孭沙包跑樓梯及舉啞鈴等。

有報道指為了該1分鐘片段，台前幕後走勻港九新界，更拍足足6日，張振朗亦瞓身拍攝，他透露：「好想畀觀眾感受到一個拳手為咗打拳可以去得幾盡，所以我都要求自己出盡全力做好件事，唔好浪費劇組咁多位同事付出嘅心機同努力。」