【新劇拜神】
黃智雯39歲生日獲劇組祝賀 最開心跟姚子羚擠身視后5強
黃智雯、湯洛雯與陳展鵬等一眾演員，今日在電視城出席TVB新劇《隱門》拜神儀式，適逢今日是黃智雯的39歲正日生日，劇組準備蛋糕為她慶祝。壽星女如何慶祝生日？黃智雯稱今日要開工：「準備要通頂，工作中度過，但都係開心，由於近日主要係拍廠景，好姊妹趙希洛有一日匿喺場景中，當時我拍緊被嚇嘅場口時，佢就同工作人員推蛋糕及唱生日歌出嚟，仲有豹哥（單立文）都同我慶祝咗。」至於生日願望，黃智雯表示：「希望套劇順順利利，始終好大挑戰，係考牌作，我演一個被家暴嘅悲劇角色。」
此外，在台慶頒獎禮中的「最佳女主角」最後5強，黃智雯亦是其中一人，問到生日願望是奪視后？她笑言信心是有提升，不過依然覺得有獎與否一切隨緣，因入圍者每一位都有自己的特色，她反而最開心是和好姊妹姚子羚一齊入5強。
