江若琳（Elanne）與丈夫蕭唯展（Oscar）結婚三周年，二人到小店吃魚蛋粉慶祝，蕭唯展更說：「她以為我今天工作，沒有準備結婚周年晚餐？你知錯啦？我真係準備咗㗎，呢間好難book㗎，希望你鐘意。每粒魚蛋都代表我對你嘅愛，加埋有九粒魚蛋代表長久。真正女人先會陪你食魚蛋粉。」
江若琳亦表示：「先生好忙，結婚周年紀念日在慈雲山明記畫上完美句號。今日好多人問我：『今晚去邊慶祝？』我話：『無。』佢地仲話：『可能有驚喜呢？』我話：『真係唔會有㗎，死心啦，我哋係一對0儀式感嘅夫妻，因為…… 天天都是情人節﹗好想嘔呢﹗」
她又說：「先生，知道你最近工作好忙，好辛苦，呢個就係我最好嘅禮物，你加油。今日唯一浪漫位：佢10︰00收工話約我去海旁散下步睇燈飾俾我拒絕咗，因為我要返屋企餵貓。Sorry，明年請早。」
江若琳亦有上載3年前的婚照說︰「3年前恭喜你娶咗我（好唔知醜），3年後恭喜我自己嫁咗俾你（好真心）。短短3年，多謝你陪我經歷最難捱嘅事，你呢份勇氣好值得欣賞！結婚嗰陣，你話要做一棵蘋果樹。呢3年喺呢棵樹嘅護蔭下，我個心好安心，亦好開心！」
「先生，多謝你！你係全世界最好嘅人類！我唔知道我可唔可以迎接到雨後彩虹，但我確定我嘅世界有你就有陽光。」
—
—
