《愛．回家之開心速遞》的兩對人氣CP「龔水戀」及「蓮輝戀」終於修成正果，昨晚播出結婚擺酒的重頭戲。「龔燁」張景淳、「熊若水」呂慧儀、「大小姐」林淑敏、「送水輝」許家傑連日來在社交平台分享多張結婚相。
—
劇組為此製作認真，出外景去西貢萬宜水庫拍攝「龔水」的婚紗相，林淑敏亦大晒全身戴滿金器的相片，又與一眾婚禮「賓客」大玩自拍，非常逼真。有網民指金器多到見到都覺得重，心痛林淑敏戴到膊頭都紅晒。另有網民擔心「蓮輝戀」結婚後會淡出劇情，林淑敏就講明唔會：「我地故事未完架，結局唔係BBQ同結婚咁簡單。」亦有網民感動表示自己睇足過千集，終於等到兩對CP拉埋天窗。
—
