《新城勁爆頒獎禮2021》昨晚舉行，張敬軒掃三個獎「年度歌手獎」、「專輯獎」、「播放指數歌曲獎」，成為大贏家。雖然他因為與紅館個唱撞期而未能出席，但仍有預先拍片致謝。
「勁爆男歌手」獎由馮允謙、Jer（柳應廷）@MIRROR及胡鴻鈞奪得，馮允謙得獎時感動眼濕濕，坦言曾有段時間工作愈來愈少，一度想放棄：「覺得係咪冇人想聽我唱歌，嗰條路唔易行，後尾慢慢爬番上嚟，多謝每位畀力量我。」
「勁爆女歌手」獎由泳兒、鄭欣宜及菊梓喬奪得，入行16年第一次獲女歌手獎的泳兒忍不住爆喊：「中間等待時間好長，等等吓忘記自己等咩，但好嘢需要耐心等待，同最好moment迎接最好嘅嘢。」
