另談到劇集《愛．回家之開心速遞》入圍多項提名，憑「金城安」一角入圍「最受歡迎電視男角色」的周嘉洛坦言很興奮：「我好開心同媽媽（滕麗名）一齊入圍最受歡迎角色獎！」至於向來擅長搞笑的陸永，對於入圍男配角未打仗先認輸，他說：「我梗係冇機會啦，點會有呀，一嚟對手強，二嚟個人弱，唔需要對手好強，你自己好弱就已經知道冇㗎喇！」同樣入圍「男配角」的張頴康則笑言原本打算問劇組借戰衣了事：「我有問過劇組我有套結婚嘅禮服可唔可以借嚟出席頒獎禮，但我返去同我太太講時，佢叫我唔好咁。」