張敬軒紅館演唱會於元旦日下午舉行第8場，更請來「金句王」黎明做嘉賓！
響起《眼睛想旅行》時Leon就載著「happy new year」黑超，升上台面跟軒仔合唱，更把眼鏡拋出去送給觀眾。
Leon就爆金句：「你點解咁識揀呢個時間開騷？」軒仔笑言係七仙羽計出來。Leon又說：「之前我哋又合作咗首歌，點解要揀你？其實係我鍾意咗你好耐。」Leon笑言男人不一定要鍾意女人：「可以鍾意男人嘛，我哋首歌叫《Old Fashion 》，老黎同你一齊玩就夠fashion！」
至於第七場就找來七仙羽做壓軸嘉賓。七師傅問︰ 「做足18場，日日咁唱真係好辛苦。」軒仔反問︰「有咩秘方教我補下身？」七師傅回答，「下一世唔好做歌星啦，太辛苦啦！做國王算啦你。」軒仔反問︰「國王後宮佳麗三千，我個腎點搞？」七師傅淡定回答：「你剩係獨愛一個人咪得囉！」
觀眾起哄叫軒仔「咀佢」時，七師傅搶答：「我ok㗎！」雖然軒仔用疫情推卻，七師傅就窮追不捨，最後在全場歡呼下，軒仔咀了對方臉頰，七師傅亦禮貌「回咀」，說要加持，更要求歌迷不要嬲她！
她又笑言，軒仔明年要「一路向西」，說西邊旺他。
