由熊黛林（Lynn）、張智霖、等主演的家族爭鬥劇《家族榮耀》日前於內地首播，廣東話原聲版亦已於myTV Gold上架。《家族榮耀》被譽為「時裝版宮心計」，講述香港豪門家族三代勾心鬥角故事。
熊黛林的「惡毒」演技、以及向楊茜堯下跪一幕，接連登上微博熱搜榜─「熊黛林好像小說裏的惡毒少奶奶」及「熊黛林新劇給楊怡跪了」。接拍此劇對熊黛林可說是最具挑戰一次，她說：「2020年拍咗呢部劇，雖然拍得好辛苦，但係好開心，因為拍攝後期有少少發癲嘅，真係未試過拍一個咁樣嘅角色，未試過拍攝期間連續喊咗幾晚，入戲之後停唔到落嚟，連導演叫咗cut，我停咗兩秒之後，會一路係咁喊，喊足幾分鐘，所有人開頭都企定定喺度唔敢郁，大家見到我喊到停唔到，就唔敢行過嚟理我，由我喺度喊，佢哋就做自己要做嘅嘢，諗起都覺得搞笑。」
拍完崩潰爆喊戲分，令Lynn難以抽離，她說：「當拍一啲好激動嘅戲分時，嗰一刻真係抽離唔到，太辛苦喇，要爆得好勁，不過我知道唔爆出嚟，係唔會演得好，拍之前導演都不停同我溝通，要一下就爆發晒出嚟。」
Lynn回想起拍攝期間，自己的投入程度卻令老公郭可頌「受苦」。Lynn笑說：「嗰一段時間我真係癲癲哋，連我老公都唔係好理，所以佢都好緊張、好驚！因為都未試過我會對佢咁冷淡，後來我有同佢講返拍攝嘅時候係好辛苦，返到嚟成個人都瘦晒、塊面都凹晒。」
辣評娛樂圈：#熊黛林新劇給楊怡跪了#熊黛林新劇給楊怡下跪修羅場，出來混遲早是要還的，想必你自己也沒有料到吧。 — 辣評娛樂圈
—
