何雁詩與鄭俊弘早前宣布造人成功，公布BB性別是男仔，預產期為今年6月中！今日何雁詩就再在網上晒出最新孕照，穿上貼身衫的她上圍明顯「升Cup」，腹大便便，不過就依然Keep住靚樣，面尖尖未見水腫。
何雁詩又晒出BB的超聲波照，並以「小雞髀」稱呼BB：「望住照超聲波見到嗰隻雞髀，畀啲信心自己，有時隻雞髀又會腳踢踢，又會安心啲，知道佢喺入面Ok。喺屋企花啲me time照顧自己，寫吓歌，浸吓浴，敷吓Mask，又有啲二人世界，因為遲啲就要爭取先有。煮吓飯，一齊睇吓電視，好好享受一下，希望一切順利。」
【孕照曝光】何雁詩上圍明顯「升Cup」 晒出BB超聲波照
