蔡思貝日前31歲生日，願望是忠於自我，難怪生日當日會上載一輯率真不造作的相片。一向不拘小節又熱愛大自然的她，選擇去郊外慶祝生日，不但打扮樸素，作中性打扮，更不介意素顏頹Look，任由大風吹到頭髮亂飛，完全沒有偶像包袱，夠晒貼地。
—
其後她與好姊妹賴慰玲慶祝，更獲對方囝囝Marat送上親自製作的生日卡。賴慰玲上載扮聖誕鹿的二人合照，大玩諧音叫蔡思貝做「Ｍy deer」，送上祝福。
這天蔡思貝趁初七人日，再貼出數張打扮靚靚，食生日蛋糕及許願的相片，叫大家一齊許願：「大家生日許咗願未？唔好同佢客氣！」
—
