鄧兆尊眾所周知他有三位紅顏知己，被網民戲稱是「時間管理大師」！受第五波疫情影響，政府通過收緊「限聚令」至兩人，又禁止超過兩個跨家庭於私人地方聚會。
趙學而可能在抗疫期間非常沉悶，趁機苦中作樂，於社交平台留言問《皆大歡喜》老拍檔鄧兆尊：「鄧兆尊，你同我出嚟！」、「鄧翁，你教下我可以點做？」關心「時間管理大師」的私人生活。
鄧兆尊接受傳媒訪問時表示不會以身試法：「犯法嘢我唔會做啦！（剩係帶其中一位出街？）都唔會啦，會多數留喺屋企食飯。」提到三位女友各有居所，鄧兆尊便指他們會暫停「跨家庭」聚會：「而家邊個有煮飯就去邊個屋企食。限聚兩個冇影響，三房人咪輪住見。」又笑指老友趙學而好識講笑。
