王祖藍近日被傳與無綫高層樂易玲、曾勵珍為鍾嘉欣未能奪視后鬧不和。樂易玲於星期四出席《飛虎3壯志英雄》活動，回應近日報道時表示「幾十歲邊會嗌交啫？都冇咁嘅事，祖藍話呢個唔係事實，都唔使講啦！」
—
她又笑言在娛樂圈多年，已經見慣不怪：「成日都見到呢啲嘢，都唔新鮮，係咪？有乜所謂啫？」她提到，周四早上已跟王祖藍通電話：「冇唔開心，今日先開完會，點會唔開心？日日對咁耐仲通電話，開會有視像。」至於視后的問題，她就回應稱多年來都有投票機制。
另外提到「蟲草大王」陳恩德，因李佳芯缺席活動一事決定抽起TVB千萬廣告，樂易玲表示錢方面要問廣告部，又稱當日活動不是公司工作，藝員有權選擇，經理人立場會按照藝員的意願去安排，更笑問對方是否追緊女仔？
有指事件令無綫損失逾千萬元，她說：「公司好好，首要係保護自己藝人，好似我哋拍戲、做嘢又好，我個部門以藝人福祉為重要宗旨，錢…老闆冇畀過任何壓力我。」
