朱智賢遇上「連橫不幸事件」，先是手腳冰冷、肌肉痛、一直發燒不退，第二天睇完醫生回家途中發生車輛碰撞，要冒雨下車處理，更連風癲都出埋，相當淒涼。
慶幸朱智賢其後已經退燒，患病期間做足三次快速測試，三次結果均為陰性，沒有染上新冠肺炎，算是不幸中的大幸：
「呢2日真的是禍不單行
第一天
一早瞓醒條腰好酸，冇乜為意，以為係前一晚拉筋拉得太狠所以有啲酸。然後到咗下午覺得個人好攰好攰，嘗試去瞓覺，喺被窩入面捲縮了1小時手腳還是很冰冷，凍到無法入睡。再過多陣，身體開始發熱，隨之而來就是全身肌肉酸痛，馬上食兩粒Panadol，做一次快速測試 – 結果negative。 到了晚上成晚都瞓唔着，體溫一直在101以上，全身好熱好熱，踢開啲被又會發冷，全個身體啲肌肉都好痛，捵嚟捵去點都訓唔到，就係咁過左一個好辛苦嘅晚上。
第二天
到了早上依然都係冇退燒，再做多次快速測試- 結果依然係negative! 然後決定去睇醫生，睇完醫生打算返屋企好好休息，點知遇上小小的車輛碰撞，橫風橫雨又10度之下仲要落車🤦🏻♀️ 搞左個幾鐘，對鞋濕晒，頭髮又濕，風癩又出埋，凍到成個人震晒。
第三天
燒已退，再做多一次快速測試，依然都係negative！所以大家不用擔心，我只係冷親姐😅
PS: 三次快速測試，分別用咗三隻不同牌子去測。
所以話身體健康幾時都係最重要！
喺呢啲非常時期，最好就唔好病啦！同埋奉勸大家屋企最好有快速測試劑守門口，如果唔係到你有少少唔舒服嘅時候你就會好騰雞。
天氣凍，大家記得著多件衫
Stay Warm」
