姜文杰（Benji）昨日在社交平台貼出結婚相，宣布與女友李泳淇（Rain）拉埋天窗：「2022年2月22號 正月22 星期2 下午2:22分，我們 … 結婚了。」他透露一切從簡，在客廳的梳化求婚，亦因疫情關係沒有擺酒，簽紙儀式只有爸爸秦沛及外父見證，連媽媽和妹妹姜麗文（Lesley）也只能視像觀禮，賓客亦全程戴口罩。雖然籌備過程充滿挑戰，Benji仍感恩最後能在這個特別日子順利成婚。
—
Benji留言：「今日點樣行禮？等.. 其實求婚位置係客廳張梳化，一切都比大家想像中簡單得多。至於今日，疫情期間為保障大家安全，我地冇擺酒，今日簽紙亦只有雙方爸爸陪同見證下舉行，媽咪同Lesley開住個視像觀禮，同場大家全程連合照時都戴住個口罩，簡單而隆重，但卻依然充滿愛 💜 自從攞到呢個咁珍貴既日子之後，上天一次又一次咁俾咗我地好多挑戰要overcome，我地今日先可以順利結為夫婦。或者人生就係咁樣，遇到難題唔好驚，盡自己所有能力去爭取，然後攜手hope for the best，保持正能量，耐心等消息，and maybe.. just maybe.. everything will work out fine 💜」
秦沛曾在內地節目《女兒們的男朋友》談到對子女婚姻的看法，他思想非常開明，認為最緊要找到一個愛你、支持你的伴侶，不需要為生育而結婚。
