黎明（Leon）推出新歌《Good Luck》，為疫情下的香港人打氣，負責作曲及填詞的林日曦，就於社交平台分享創作過程。
他表示早幾日接到Leon來電，找他寫一首簡簡單單的歌，黎明覺得人人都身心疲累，要面對不同的問題，所以想透過歌曲向大家說句「Good Luck」︰「收咗線之後，如有黎助，好快搞掂；轉個頭，我已寫好曲 + 詞；轉個身，就匿入被竇（因為靜啲），錄咗一個唱得都幾難聽嘅demo出嚟send畀佢。雖然我例牌唱得麻麻，但佢冇嫌棄，仲好有善心咁，話首歌幾好；」
他又說：「不特止… 1個鐘後，佢仲即刻搵何炳幫手整好咗個結他底；不特止… 18個鐘後，佢已經錄起咗首歌；不特止…19個鐘後，佢已經親手拍埋個『MV』；不特止…24個鐘後，首歌已經mix好出得街。」
林日曦表示由收到黎明電話，到黎明完成錄音及歌曲MV，前後不到30個小時，笑言咁快可以完成，只有兩個原因︰「一係佢暗戀我；一係佢暗戀大家。咁好明顯係後者。希望大家去聽完Leon呢首新歌《Good Luck》之後，好快就有luck。Good Luck to you。」
香港電影吧：#黎明# 新歌《Good Luck》，為疫情下的大家打氣。
Leon：「作為音樂從業員的我，我只能嘗試用音樂去為大家帶來一點輕輕及共勉。大家保護好自己及家人，心靈互相打氣同High Five💪💪💪 Good luck！ 」 — 香港電影吧
