林夏薇和胡定欣為崔建邦及麥美恩主持的節目《諸朋好友》首集做嘉賓，兩人在節目中表示於2014年《星和無綫電視大獎》上結緣，後因劇集《公公出宮》熟絡。
胡定欣覺得林夏薇是年齡相近的閨密，皆因對方性格太成熟。 不過薇薇就大爆試過坐在定欣身旁而被對方「漠視」，不快感覺牢記於心多年。薇薇透露曾在一個大型場合中一早已經化好妝，坐在化妝間等待髮型師Set頭，等了一段時間後終於等到髮型師，但定欣卻突然叫助手帶髮型師去幫其他藝人整頭：「可能佢真係冇為意，但我等咗好耐，咁我就好hurt嘅嗰一刻，其實之後我諗返，我冇去怪佢啦，亦都其實過咗喇。
而定欣就表示完全不知情，坦言只是無心之失：「我唔係刻意，其實佢講我完全冇晒當刻嘅……其實發生咩事我係唔知。」但被無視的薇薇就直言感到難受：「佢都有同我講話佢估唔到我會咁直接同佢講，因為有啲時候可能朋友都會收埋唔講，我就會直接話畀佢聽我唔開心。可能我性格比較獨立，所以當我遇到問題，我會自己處理咗先，我自己消化咗、解決咗先至會去講返件事。」
當年薇薇因「林峯堂妹」的身份而備受關注，被指「含金鎖匙」入行，輕易擔正，主持崔建邦都坦言一直誤會了她。薇薇提到自四歲起追逐演藝夢想的經歷，期間被母親反對、當臨時演員無糧出，邊說邊感觸拭淚。
