方力申和鄧麗欣拍攝一系列葉念琛愛情電影後，由熒幕情侶變成真正情侶，可惜二人於2016年宣布分手，結束10年愛情長跑。分手後各有各生活，Stephy與台灣藝人邱勝翊（王子）拍拖，3年後亦是分手收場；單身的小方則是緋聞不斷。
方力申於社交平台貼出他們有份主演的《獨家試愛》，原來電影不經不覺已經上映16年，小方分享戲中他向Stephy「箍煲」一幕：「雖然我喊到成個小朋友咁，有啲醜怪，但係咁就過咗16年，都係絕對值得出post賀一賀佢。當年好似有800萬左右嘅票房，令到我哋團隊之後越拍越有，嘻嘻。」
他又說：「啱啱我上維基睇過係咁寫『《獨家試愛》（英語 ：Marriage With A Fool）是一部香港電影。由葉念琛導演，方力申及鄧麗欣領銜主演，於2006年3月23日上映，屬愛情片種。本片是葉念琛執導的《愛情四部曲》的第一部，故事上與《愛情四部曲》的第二部《十分愛》及第三部的《我的最愛》並無關聯，與第四部的《紀念日》有部分關聯，演員都沿用方力申、鄧麗欣，從此成為螢幕情侶。』」
小方感恩在演藝事業上曾遇過的每一位，又多謝舊愛Stephy：「多謝Paco（黃栢高），琛導，Stephy，同所有兄弟姊妹們。一部《獨家試愛》，一首《好心好報》，從此改變了我嘅演藝事業，我感恩遇到的所有機會及提攜過我的所有人，我仍有很多角色想做但未做，我會繼續努力」。
Stephy亦「現身」點讚畀like，觸動網民神經，有人留言追問小方：「係咪有咩暗示呀」、「追番佢啦，我係話依家去追呀 」、「希望你同stephy和好如初」等等。
—
