無綫節目《思家大戰》星期日晚播出第26集，找來一眾曾經上過節目、但成為輸家的藝人，成為「復仇者聯盟」，揚言要玩謝主持李思捷！
—
今集嘉賓有林盛斌（Bob）率領的「冇事復仇」隊，包括吳若希、馮盈盈、麥美恩及林穎彤；另一隊則是阮兆祥率領的「條氣唔順」隊，隊員包括陳自瑤、姜麗文、泰臣及游莨維（一蚊Joe）。
在Chit Chat環節上，眾人已鬥講條氣唔順及復仇原因，出力圍攻主持李思捷。陳自瑤最激動︰「明明嗰條問題個字係『聞』，但你就講咗『問』，咁就令到我聽錯咗，仲話係最佳男主持喎！」其他人即時起哄，齊齊對着思捷大嗌：「我哋唔係要五皮，係要收你皮！」
