黃德斌、黃又南、麥子樂、林耀聲、陳雅麗及崔加寶出席亞洲心動娛樂（AMM）網劇《逐流時代》記者會，AMM香港區副總裁林文龍亦有現身撐場，劇中擔正的麥明詩未有到場。
講到新劇今晚播出，被外界視為與無綫的《金宵大廈2》、ViuTV《反起跑線聯盟》「打對台」，林文龍認為大家方向不同：「邊度有得打，大家不同方向，做法亦不一樣，電視台劇是定了時間播，我們22分鐘一集，節奏比較快，大家亦不用限時坐定定睇，隨時都可以睇，多謝大家吹捧，講到三個台好似打仗咁。」
林文龍續指，網劇不一定比電視劇輸蝕：「依家你問100個後生仔，99個都係上網睇嘢，睇作品大家鍾唔鍾意，同埋有冇心，同埋都要配合、天時、地利、人和。」問到今年會否再開劇，他就指要先等疫情過去：「我哋唔係大公司，唔會簽咗好多藝人，開綜藝還可以，開劇就要等疫情停咗，唔係拍拍吓停，就好似將啲錢掉落鹹水海咁。」
