MIRROR成員呂爵安（Edan）於愚人節推出新歌《Elevator》，在MV正式推出前，他就已經整蠱「爵屎」兩次！
Edan早前表示，四月一日晚上八點播MV，怎料「正式」播出時，就由「女鬼」宣佈︰「愚人節快樂，八點三返嚟睇啦！」到8點15分後，Edan出場說︰「愚人節快樂！八點半返嚟睇啦！」
兩度「狼來了」後，他開直播說：「畀個愚人節surprise大家，咁大家都未知8:30嗰條係咪真，可能等完都係假。」經理人花姐玩埋一份︰「根本佢今日唔出歌！」
到了八點半終於正式出街。今次大玩全新曲風，以輕鬆幽默的歌詞，大談人生中遇上的各樣事。MV邀請多位嘉賓客串，包括隊友盧瀚霆（Anson Lo）與柳應廷（Jer）、羅家英飾演的士司機、阮小儀飾演滿身血漬斑斑的新娘，及《闔家辣》導演鄭晉軒（Coba）飾演外賣仔。
歌詞就借升降機比喻人生中的重重關卡，Edan說：「好似等𨋢，你要等架𨋢到，先可以入𨋢，架𨋢唔到，又或者發生乜嘢意外、你喺架𨋢裏面但層層停、困𨋢，呢啲都好似我哋嘅人生，好多時都控制唔到，倒不如換個心情，大家唔好咁急，放輕鬆去對待人生每一件事。」
