袁嘉敏炮轟鍾培生父子是人渣之後，有報道指袁嘉敏疑因不滿鍾培生與《愛．回家》的「島大Candy」葉蒨文過從甚密，一怒之下決定爆大鑊！
葉蒨文就於星期一，於社交平台貼出與拍拖4年圈外男友「啤梨仔」的合照，說不介意花生新聞：「做呢行預咗，當比觀眾發洩同娛樂嘅渠道都係一種義工，我都算啦…但噚日星期日，我同我男朋友正值慶祝緊四周年紀念，雖然下個星期先係正日，但係難得星期日佢得閒唔使返工我哋一齊慶祝，食緊午飯嘅時候有記者不斷打電話發訊息給我，我講咗唔得閒都繼續問，回應咗兩句，我話繼續慶祝都再問電話不斷響，都幾掃興，我係咁同男朋友講：唔好意思啊破壞晒個氣氛，佢仲調返轉頭安慰我。」
葉蒨文感謝身邊朋友及男友支持：「謝謝你啤梨仔，很另類的四周年，經歷咗好多嘢，過往一兩年感恩面對逆境，面對咁樣嘅社會氣氛，我都有你係我身邊，對於我哋來講最難過嘅關早半年前已經過咗，今次只不過係一件小事，我哋將會更加堅固，多謝所有親朋好友，關心我哋嘅人，我很好，我們很好，我收到好多訊息，你哋有心啦。#給愛我的所有人 #謝謝你們。」
