湯怡與麥秋成結婚逾年，育有女兒「MakQQ」，早前慶祝結婚一周年時更溫馨放閃。熱愛瑜伽的湯怡身材及皮膚都保養得宜，她閒時又會玩「你問我答」，分享湊B心得。有網民稱產後出現脫髮問題：「甩得好恐怖，點算好？」
湯怡貼出髮線上移照片，自爆產後半年亦出現脫髮：「產後脫髮呢個事實好似真係改變唔到，只係睇下有無產品可以幫助甩少啲，我係產後半年先甩，之前一洗頭都嚇親自己，成個髮隔都係頭髮，日日如是，諗緊仲有幾多頭髮要甩，不過生返出嚟喇，之前勁多天線，而家生到好似無啦啦短咗一忽咁，過多一兩個月就融為一體，所以你唔使驚呀，係時間㗎咋。」
