《金宵大廈2》日前播出單元四《姐姐》，當中的菲律賓外傭Louisa由黃婉華飾演。她透露拍攝前花了三個月時間準備角色，又將面部同手腳膚色塗黑，以配合角色。
不過刻意塗黑扮外傭的舉動，卻引起極大爭議，有認為涉歧視及侮辱，事件去到國際層面，連法新社亦有報道此事。。無綫回應時強調，絕無意在任何節目表達不尊重或歧視任何國籍，向可能受影響人士致歉。
「十優港姐」麥明詩亦發表言論，認為可考慮給予機會少數族裔演出：「以前啲西片經常搵白人演亞裔人，令到亞裔人嘅演出機會少之又少。近年好多製作堅持搵番種族true to character嘅演員演繹角色︰而且唔係淨係膚色咁簡單。」
她舉例，會以日本人演日本人、中國人演中國人：「唔係求其搵個日本演員演中國人角色，因為無論演技幾好，始終一個種族扮演另外一個種族係冇咁authentic。」
她說：「因為咁樣，近年亞裔演員喺荷李活多咗機會，例如梁朝偉，Gemma Chan。同樣地，香港如果能夠畀多啲機會少數族裔演出，represent番自己種族，而唔係由另一個種族去represent，唔係更好咩？如果搵唔到講100%流利廣東話嘅菲律賓人，咁角色係印尼人又得唔得呢？勁多喺香港嘅印尼人嘅廣東話超級純正。」
