熊黛林與郭可頌育有一對孖女Kaylor與Lyvia，每年他們都會帶囡囡去拍一輯相，作為成長記錄，留個紀念。轉眼孖女已經4歲，一家四口去影樓拍攝全家福，熊黛林表示：「每一年幫佢哋影一輯相，順便影埋全家福，會一直延續落去，因為每一年都想記錄低呢啲咁美好嘅回憶，佢哋又大一歲，作為成長嘅記錄，一家人睇番都知道呢個家係幾咁溫馨同幸福，佢哋係好幸福嘅小朋友，希望佢哋永遠都咁開心、健康成長。」
—
熊黛林直言這樣影一次，辛苦過自己影很多，事前要為囡囡諗衣著，又要溝通怎樣影，又要教擺甫士，影完還要揀相。雖然辛苦但她覺得值得：「佢哋性格係一動一靜，家姐斯文啲，鍾意好靚嘅嘢，扮公主、跳舞，妹妹坐唔定，鍾意創作，郁嚟郁去，鍾意跆拳道，都係佢哋自己揀嘅，我都想將佢哋拍落嚟，大個咗睇番等佢哋知道，細細個已經知道自己鍾意啲乜嘢，自己揀想學嘅嘢，佢哋都會好開心。」
