陳凱琳（Grace）由選美冠軍到演員，做媽媽後轉型做主持做KOL，近日又有新搞作，首次擔任明珠台清談節目《Love Matter》監製兼主持！Grace更碌爆人情卡邀來各方好友撐場。首集拍攝開工就邀得好姐妹朱千雪（Tracy）擔任嘉賓，齊齊分享婚姻之道。
Grace接受訪問時，表示明珠台想自製節目：「知我無拍劇時間充足d，同埋我係鬼妹仔鍾意講英文，問我有無興趣做關於愛情嘅talk show，慢慢做我都俾好多意見，然後就問我有無興趣做埋監製。我都好感恩呢次松會，可以學埋剪片、搵嘉賓、傾咩話題等幕後事，暫時拍咗一日三位嘉賓，從中又再調節下。」
TVB官方微博：#娛樂新聞台# 陳凱琳操刀新節目請朱千雪做嘉賓
Grace#陳凱琳# 近年轉型成為KOL，喺疫市下仍賺得盆滿缽滿；日前佢挑戰做節目，喺明珠台即將於暑假推出嘅新節目《Love Matter》兼任監製及主持。最近第一集開鏡拍攝，更請到久未露面嘅朱千雪上嚟做嘉賓添！由幕前轉到幕後，要面 — TVB官方微博
