孫慧雪日前擔任節目《日日媽媽聲》的嘉賓，大談湊仔經，指老公是放任型爸爸，有次老公帶囝囝去主題樂園，玩完回家後說剛才囝囝走失了，孫慧雪聞言即很緊張，但老公若無其事地說：「男仔嚟架嘛，佢識自己返嚟搵我啦，依家咪喺度囉！」
—
近日孫慧雪沒有工人幫忙，家務和接送囝囝全部親力親為，收工後更洗衫洗到凌晨兩點。雖然行程密麻麻，但是仍堅持健身Keep fit，少啲毅力都不行。她貼出做gym鍛煉的相片，坦言沒有工人姐姐，真係做到一殼眼淚：「雖然尋日經過咗一日， 頗為艱辛嘅攝影旅程🤣🤣 返到屋企， 我仲自己洗衫洗到凌晨兩點， 因為全部衫都係沙泥同蝶豆粉🙈 不過今日送完小朋友返學之後， 仍然繼續堅持去鍛鍊自己， 我相信堅持總會成功！ 多謝教練Colman嘅督促！！ 我會再俾多啲心機㗎啦🙈 #沒有工人姐姐的第十天 #做到一殼眼淚 #仍然堅持鍛煉 #但經常覺得肚餓」
—
