周嘉洛成最多作品小生　挑戰鄭裕玲做「周九組」

近年獲無綫力捧的周嘉洛與陳瀅一齊受訪，嘉洛於節目巡禮上亦成為擁有最多作品的小生，作品分別為《痞子殿下》、《新四十二章經》、《回歸》以及單元劇《神奇的燈泡》，對於將有如此多劇推出，周嘉洛笑言：「量唔代表質素，我仲有好多進步空間。（會唔會好想《痞子殿下》快啲推出？）都想，因為同陳瀅、JW、朱敏瀚喺呢套劇嘅互動感好強，開工開得好開心，夏天拍古裝，唔係人人頂得順。」

而陳瀅得一套劇《痞子》將推出，但她卻不感到失望，並謂：「我真係睬唔到（咁多劇），我知道嘉洛劇接劇冇得瞓，但我拍完劇要抖一抖。（想一年一套？）都要睇劇本啱唔啱，同有冇監製搵我，嚟緊都會開葉念琛監製嘅新劇，不過，我唔會諗拍番多啲劇去追番進度，一年一、二部已經足夠。」在旁的周嘉洛則笑言自己想挑戰鄭裕玲的「鄭九組」，他說：「因為我覺得拍多啲節目同劇，係開心嘅。」

周嘉洛跟陳瀅曾傳緋聞，受訪時亦顯得很有默契，嘉洛雖然忘了自己有幾多劇出，但又知陳瀅有一套，而陳瀅亦對周嘉洛的作品，瞭如指掌。