羅家英日前接受車淑梅電台節目《舊日的足跡》訪問，提到外間傳聞他向阿姐求婚19次，家英哥否認此事，更指對方家庭觀念較他重，而他反而有結婚恐懼症。
他表示，2002年阿姐患癌，他沒有提出結婚；200ß4年他患上肝癌，阿姐卻開口說：「只係輕輕講，喂！我哋幾時結婚？我就話，結咩婚？唔好結住，睇定啲先，都未了解清楚……」
家英哥回想曾經有過兩次結婚衝動，第一次是阿姐擔任人大要上深圳開會；第二次是1996年憑電影《我愛廚房》獲提名香港電影金像獎最佳男配角。他自覺勝算高，於是計劃得獎之際在台上求婚：「點知輸咗。我有啲唔忿氣，因為我覺得我由頭到尾扮女人，好有難度。不過呢件事之後，我亦都冇出聲（求婚），金像獎就冇咗段佳話喇！」
最後，因為家英哥媽媽離世要出訃聞，他要決定如何加上汪阿姐的名字，當時已經有結婚的感覺，於是去了拉斯維加斯註冊。家英哥大讚阿姐是勤力的太太：「好感恩個天對我不薄，多謝個天畀我一個咁好嘅太太。黃昏之時，都畀我美麗嘅華彩！我哋相處之道就係，我有病得半條人命，佢有病得半條人命，兩條人命夾埋一條人命，就係你中有我，我中有你。」
