【感情線平淡】陳豪演花弗浪子醫生 胡定欣恨有親熱戲

陳豪、胡定欣等出席新劇《白色強人II》宣傳活動，兩人皆是今輯新加入的角色，陳豪飾演花弗醫生，他笑指監製說會給他很多女朋友，結果他由頭到尾都是一支公，只有表面花弗：「好似係浪子，但係得個浪字。」 

胡定欣預告今次感情線平淡，與馬國明只是互相欣賞，但是不會介入他與唐詩詠之間：「當初同監製講千祈唔好寫到我係第三者，去拆散佢哋呢一對CP，佢哋CP值太高。男女之間唔一定談戀愛，都可以係互相欣賞。」胡定欣直認恨有親熱戲，笑稱劇本應該寫她與陳豪一對：「我哋喺戲裏面都係孤家寡人，見佢哋一對對，都係得個望字，流晒口水。」 

講到陳茵媺近日密密上載泳衣照，陳豪表示老婆將開工拍劇，事隔十年復出，當然要以最佳姿態示人。