無綫首席創意官王祖藍主持的全新綜藝節目《有個閨密叫祖藍》，即將於本月31日首播。他更碌盡人情卡，請來8位「閨密」現身，當中包括炎明熹、苑瓊丹、蔡少芬、胡杏兒、薛凱琪、容祖兒、楊千嬅及陳松伶。
原來八人都與祖藍有一大共通點，就是「夠晒無聊」，小小事也可以玩得非常開心，因此成為「閨密」。祖藍說：「拍呢個節目真係好忙，都辛苦節目組度咗咁多嘢出嚟。最搞笑係每個上完嚟嘅嘉賓都向我投訴：『乜唔係上嚟傾偈咋咩？點解忙得咁緊要？好攰呀！』」
祖藍在宣傳片中與女嘉賓有不少親密接觸，問到可擔心激嬲太太李亞男，他說︰「我老婆識咗我咁耐，都知我真係有唔少異性好友，但佢相信我係清白嘅。不過，佢為咗安心起見，定『三不規條』，係咩就唔講住，大家睇第1集就知。」又透露，太太及囡囡都會不時於節目「客串」。
TVBoyakin：《有個閨蜜叫祖藍》預告
嘉賓：蔡少芬、陳松伶、容祖兒、薛凱琪、胡杏兒、楊千嬅、苑瓊丹、炎明熹
播出：7.31晚10點半，翡翠台
[開學季]終於有個想睇嘅廣東話綜藝！ — TVBoyakin
—
