MIRROR演唱會前已傳出舞蹈員在總綵排時不慎跌落台受傷的消息，昨晚開騷第一場Anson Kong亦險些仆倒，觀眾怒轟舞台機關危險，MIRROR表演時險象環生。今晚演唱會第二場，陳瑞輝（Frankie）演講期間行近舞台邊緣，不慎踏空跌落台下，現場觀眾即時嚇到驚叫。
幸好Frankie跌落的位置不算高，未有大礙，他跌倒後即時爬回上台，向現場觀眾表示自己無事。不久他也在社交平台限時動態報平安，上載相片展示自己輕微皮外傷的手臂，留言：「令到大家擔心sorry，講得太入神，只係擦傷咗啲啫，我福大命大㗎」。
稍後Frankie繼續出場表演，上台前再更新社交平台限時動態：「興奮得滯，自己又唔小心！不過大家唔使擔心我，我冇事呀，而家又準備上枱啦，good show」。
