泳兒10月九展開騷 講明唔畀觀眾去廁所歌手泳兒今日（17日）到電台宣傳新歌，趁機公布「好消息」，10月2日將於九展舉行演唱會！談到今次演出，她透露：「都有3年冇開過騷，都有啲緊張，呢排好多嘢要做，開始瘋癲嘅Schedule，咁有時未做完又唔想瞓，所以每日瞓得3粒鐘。（唔怕影響把聲？）驚㗎，養聲惟有飲多啲水。（幾時開始閉關？）未咁快住，本來mark咗期，但個期又畀人攞咗，希望最少開騷兩日前畀我準備。」當問到演唱會會帶甚麼驚喜給粉絲，她說：「希望到時畀人感覺冇得抖，連洗手間、玩手機都唔去得！（挑戰以往性感底線？）都得，不過呢排啲曲風暗黑，好似唔係好關事。（嘉賓方面呢？）諗緊，都想有，呢方面都想帶驚喜畀大家。」她又指rundown已排，預計時間上只能於台上變裝。談到舞台機關，她坦言：「安全係首要，同埋都要視乎budget，不過我啲歌又唔係好需要機關，着重帶視覺效果畀觀眾。」另外，泳兒有鄰居好友全家確診，特意向她求助：「全家都出唔到去買物資，所以等陣逢去我都要送嘢上門。」泳兒終於再開騷喇！令人期待。泳儿
泳兒10月九展開騷 講明唔畀觀眾去廁所
