孖盧淑儀情侶裝拍拖掃貨 李克勤一舉動獲讚絕世好老公歌手李克勤近年主力內地發展，最近更再度擔任《中國好聲音》導師，升呢成為「導師天花板」！出名係愛妻號嘅佢，當然唔捨得同老婆分開咁耐啦，有指佢現時同港姐冠軍老婆盧淑儀暫居杭州，呢日就有網友於杭州商場野生捕獲2人，見佢哋兩公婆齊齊着上白Tee情侶裝示人，孖公仔出巡行街，結婚多年都咁恩愛，羨煞旁人。見盧淑儀專心掃貨，而克勤就在旁默默幫忙拎住戰利品，即獲網友大讚絕世好老公，又指雖然相中只見到盧淑儀嘅背影及側面，但望落依然少女味十足，完全唔似已經48歲。李克勤同老婆盧淑儀結婚多年都咁恩愛。着情侶裝行街。李克勤幫老婆拎戰利品。李克勤
孖盧淑儀情侶裝拍拖掃貨 李克勤一舉動獲讚絕世好老公
