袁偉豪做攝影大師 限量沙龍作慈善拍賣藝人袁偉豪日前於社交平網晒出一張他親自操刀的照片，他更表示會親自帶同這張攝影作品前往澳洲悉尼，作慈善競投籌款，希望能夠有好成績，不少朋友都相當支持。轉眼間，現時他已身在澳洲，剛剛到埗的他接受東網訪問時坦言，今次是幫TVBI做宣傳活動，會出席中秋嘉年華活動之餘，明晚更會出席慈善晚宴，他謂：「晚宴上我哋會做一個慈善競投，咁我就揀咗呢張相，呢幅相係2020年喺日本影嘅，亦都係疫情前最後一次旅行，我喺涉谷街頭捕足好多車，都影咗好多相。」袁偉豪向來喜歡影相，平時除了太太張寶兒擔任他的專用模特兒外，看見周遭特別事物，他都會用相機攝下，他表示：「本身我諗住啲相日後會用嚟做相展，今次率先將呢張相放出嚟做拍賣籌款。」問他有否打算籌多少，底價又多少時，他說：「其實冇諗可以籌幾多，不過做慈事，梗係愈來愈好啦！因為聽晚底價由大會定，張相係好限量，近幾年自己儲啲相都係諗住作咁嘅用途，甚至開相展，呢個係一個好嘅開始。」袁偉豪影相原來咁叻！呢幅沙龍100分啦！佢已經去到澳洲。袁伟豪
袁偉豪做攝影大師 限量沙龍作慈善拍賣
