為追星放棄同林峯一組 吳卓羲學閩南話嬲到爆粗內地綜藝節目《披荊斬棘》今年搵嚟藝人林峯、吳卓羲、周柏豪、陳小春、任賢齊等組男團，當中最矚目嘅又落喺一班香港藝人身上，尤其林峯同吳卓羲成日做連體嬰，網友都好Like佢哋嘅兄弟情。點知節目嚟到第一次分組，吳卓羲終如願以償同內地搖滾樂隊五條人主音仁科一組，不過林峯就想跟台灣歌手吳建豪學唱跳，最後兩兄弟「各散東西」唔同組。吳卓羲今次最大目的係追星。仲愛到要放棄林峯。吳建豪先係林峯「真愛」。仁科係吳卓羲偶像。至於追星成功嘅吳卓羲，除咗向多位香港藝人狂Sell五條人啲歌之外，今次佢仲可以獲偶像仁科近距離親授閩南語歌曲《世界第一等》，仁科主動教佢同閩南話好類近嘅海豐話，見佢學到條脷打晒結，點知到吳卓羲練歌時，就反覆被同組嘅任賢齊糾正發音，先知原來海豐話同閩南話係一啲都唔似，搞到吳卓羲忍唔住喺鏡頭前爆粗大呻：「X你，跟唔跟你學好呀大佬！」不過佢都畀足面仁科，接受訪問時就表示：「我覺得他標準就可以啦。」笑爆觀眾。點知…佢畀偶像「跣」。真係忍唔住有鏡頭影住都爆粗。句句都畀人捉錯處，佢都頹晒。林峯吴卓羲
為追星放棄同林峯一組 吳卓羲學閩南話嬲到爆粗
