披荊斬棘︱林峯吳卓羲率先跑出 辛酸史被翻炒網民嘆：苦盡甘來內地人氣節目《披荊斬棘》現正熱播，其中吳卓羲與林峯再次兄弟檔上陣參戰，引起內地網民關注，不但翻Hit昔日合作《大唐雙龍傳》嘅劇集片段，仲翻炒出13年、初初走紅時亮相無綫《星星同學會》節目嘅片段，片中2人大談「小生唔易做」，林峯直認捱得辛苦，未上位前曾從幕後口中聽過唔少難聽說話，吳卓羲更坦言入行初期曾被嫌棄「阻頭阻勢」：「初初唔識嘅時候，可能講一兩句對白都會口震，又唔知道啲光會遮住咗人哋，又遮住咗自己，導演就撳咪講『喂！你識唔識拍戲㗎？』」同場嘅苗僑偉即加把嘴笑指：「當然有兩句粗口咁樣！」網民即感嘆2人今時唔同往日，總算苦盡甘來。林峯同吳卓羲呢對兄弟檔，參戰《披荊斬棘》備受關注。內地網民翻炒佢哋初入行辛酸史。嘆今時唔同往日！林峯吴卓羲
披荊斬棘︱林峯吳卓羲率先跑出 辛酸史被翻炒網民嘆：苦盡甘來
