Plan定育兒大計！馬國明呻喜事遭「疫」襲 否則結咗婚城中好男人馬國明與女友雖然仍未落實婚期，但他直言若非疫情，應已娶入門！他未做人夫先諗做老竇，已對未來教育子女的事宜有所規劃，自言不會預留太多錢給下一代，以免小朋友因物質過盛而迷失自我，又指要儲夠錢供子女完成大學課程，才會安心退休。馬國明未結婚已諗定做老竇。如果唔係疫情，馬國明可能早就拉埋天窗。視帝馬國明拍拖3年，屢傳婚訊，早前更共賦同居，過着試婚生活，就連財富亦能與靚湯分享，表示要出張附屬卡給她，感情好到不得了。馬國明接受東網專訪，談到結婚問題，他指與女友已有共識，向結婚方向邁進，若不是疫情關係，應已與佢拉埋天窗，連結婚方式亦已傾過：「我哋諗過旅行結婚，睇吓年底個政策會唔會再放寬，如果請人去飲，大家返香港要隔離7日好慘啫！」結婚只差一步，而講到小朋友，原來馬國明對教育子女已有一套藍本，認為不需要留太多錢給下一代，滿足到基本所需已足夠：「女可以縱，但仔將來要養家，唔好乜都畀晒佢，否則佢會迷失。如果18歲就有無限錢，佢唔會識得擔起責任，呢方面我好似我老竇，對仔就嚴啲，對女就錫多啲，因為唔知將來嫁得好唔好。」讚陳豪好男人馬國明有份主演的無綫劇集《白色強人II》踏入結局周，口碑及收視理想，他稱比起個人獎項，更想劇集奪獎。他回想拍攝時正值疫情高峰期，台前幕後拉大隊去內地取景，當中經歷了長達21日的隔離，感受良多：「我記得臨出發時，我哋仲喺香港拍廠景，隔籬廠嘅人會用一種好尊敬嘅眼神望住我哋，好似我哋上前線去打仗咁，好深刻。」講到跟另外兩位視帝陳豪及郭晉安合作，馬國明讚安仔經驗豐富，睇劇本透徹深入，令他獲益不少，至於陳豪是他眼中的真正好男人：「我試過喺拍劇現場發脾氣，但我從來未見過陳豪發脾氣！佢係我識嘅男人之中EQ最勁嘅人，比我更高層次，佢真係好超然！」拍劇對得陳豪多，馬國明要喺對方身上學做好男人。同陳豪對手戲多多！馬國明認為唔需要留太多錢畀下一代。滿足到基本所需就OK！今年是馬國明入行23年，講到工作目標，他自認向來冇目標：「唔會計劃幾年後係點，你永遠唔知將來點，好多時係社會令你改變。（冇諗過退休問題？）暫時未，有排未可以退休，依家有父母要養，將來有小朋友要養，所以要儲錢。（儲幾多？）差唔多夠錢畀仔女大學畢業。」孝順仔黑歷史馬國明是圈中出名的孝順仔，經常被傳媒拍到他拖着母親行街，又會帶對方去名店掃包包，日前陳敏之還踢爆他原來跟母親開聯名戶口出糧，果真侍母至孝！不過，原來他都曾有「黑歷史」，他受訪時自爆：「記得讀書時，有次向媽咪發脾氣，當時我有一件好貴嘅名牌T恤，係我自己儲錢買，點知畀阿媽洗壞咗，我發咗癲咁鬧佢，之後我返入房，再出房嘅時候我見到阿媽喺廁所跪低洗緊件T恤，我好內疚，啲眼淚不停流，我即時同佢講對唔住。」他直言此事令他畢生難忘：「其實件衫值得幾多錢，有限錢買，但親情係無價，經過嗰件事令我覺得更加要錫家人。」馬國明經常被影到拖住媽媽四圍去，原來孝順仔背後有一段鮮為人知嘅事！無綫花旦與馬國明愛得癡纏，可是她日前要飛往澳洲拍攝旅遊節目，令她跟男友變成「分飛燕」，可是臨近中秋節，又豈能人月不團圓？佢昨日在社交網表示已返回香港，見她在限時動態晒出從機場搭車的短片，並留言：「已經光速完成旅程！」相信她是前往酒店隔離，完成後就可以跟馬國明歡度佳節。不過，此行亦令她印象難忘，她晒出在當地的靚相，並留言：「想念出走的感覺，今次澳洲之行是個美好的Restart（重新開始）！」不少網民留言叫馬國明「醒水」，可考慮在澳洲求婚，務求一擊即中。而袁偉豪則表示：「請唔請婚紗攝影師？」馬國明即搭嘴：「好想去旅行……」kennethma马国明
Plan定育兒大計！馬國明呻喜事遭「疫」襲 否則結咗婚
