梁漢文睽違14年再拍無綫劇　助陣吳若希做女一

梁漢文睽違14年再拍無綫劇　助陣吳若希做女一藝人吳若希（Jinny）近日升呢女一，北上為擔正無綫新劇《香港人在北京》開工，連日來Jinny於社交網分享拍攝花絮，呢日佢再次甫出新相，原本劇集唔單止有視帝陳展鵬坐鎮，仲有一位久未拍過無綫劇集嘅歌手驚喜客串，嗰個就係@梁漢文edmond ！其實今次係梁漢文自2008年客串《盛裝舞步愛作戰》後，暌違14年再拍無綫劇集，加上近年佢憑《披荊斬棘的哥哥》人氣急升，今次拍劇定必引起內地網民關注。Jinny不但晒出與梁漢文，仲賣口乖指：「每次可以和不同的人合作，都可以在他們身上學到新鮮的事物，這次這個對手，他身上的從容和處變不驚應該是我這一輩子都學不會的東西。你好呀Edmond！」吳若希升呢女一。新劇有梁漢文驚喜客串。日前梁漢文已經同劇組會合。同洪永城同場。相隔14年再拍無綫劇。