白色強人II大結局丨陳豪究竟情傾郭柏妍定劉溫馨 一Shot落拍攝考台前幕後功力

白色強人II大結局丨陳豪究竟情傾郭柏妍定劉溫馨 一Shot落拍攝考台前幕後功力《白色強人II》將於今晚（2日）播出大結局，昨晚一集YT（郭晉安飾）、葉晴（胡定欣飾）及唐明（馬國明飾）飛赴上海參與世衛會議，要求來自不同國家的與會藥商為罕見病藥物提供優惠。由於相關提議大幅影響商家利潤，為了增加勝算，阿Yan（張曦雯飾）與Vincent（陳豪飾）在香港召集罕見病人在線上會議輪流發言，讓劇內劇外「觀眾」都能更深入了解罕見病患者面對的經濟壓力及苦況，情節催淚。為了真實呈現不同罕見病患者苦況，劇組對不同類型罕見病及治療方案做了大量資料搜集，劇中發言的罕見病患個案，除了名字、年齡及職業外，其他都是真實資料。「我叫冼翠紅，三年前醫生話我患上脊髓性肌肉萎縮症，要食一隻叫艾滿欣嘅藥，每個月藥費要18萬」、「我叫麥世昌，我患有先天性無丙種球蛋白血症，每日都要做皮下注射，每個月要用25,000蚊買藥，我冇晒錢，唔知點算」、「我叫趙平，兩年前醫生話我患嘅龐貝氏病開始惡化，可能得番幾年命，我唔想死呀，我阿哥都有呢個病，上年走咗喇」…… 一眾罕見病患演員中，觀眾應該留意到三個熟悉的面孔，分別是飾演麥世昌的無線娛樂新聞台主播王鎮泉、曾演出《木棘證人》、飾演冼翠紅的蕭麗芠，及曾於《星空下的仁醫》中有不錯發揮、飾演趙平的林子超；麥世昌及趙平更曾於同劇第20集亮相，鋪排有心思。其中子超演出雖然只有20秒，劇組依然認真對待，開拍前除為子超準備氧氣鼻導管，更與子超研究角色肢體動作及語氣，子超受訪時說：「劇組希望我哋可以表現到病人嘅特徵，令觀眾對個病有多啲認識同埋會更關注罕見病。」子超續指自己事前亦有做功課，以便揣摩如何「以有限對白表達唔同情緒」，他透露該場戲最難的地方是「一SHOT落」：「所有演員都一定要喺個狀態入面，台前幕後都要好專注。」今晚的大結局，最大懸念落在Vincent身上。被譽為明城北「最有型靚仔醫生」的Vincent，「暖男」人設原本相當屈機；可惜始終得不到心儀的阿Yan歡心，並周旋於一夜情對象張庭（劉溫馨飾）及病人程可欣（郭柏妍飾）之間。而為了草案一再延醫的YT，來到結局病情終告惡化，阿Yan則不理葉晴等苦勸堅持親自落場。昨晚一集當YT完成「歷史使命」後，返回明城北準備接受手術，阿Yan強忍淚水迎接YT，說出一連串與手術有關的安排後，再哽咽吐出：「我係你嘅主刀醫生，呂靄寧，同樣雙眼通紅的YT則說了一聲：「麻煩你喇，呂醫生」，一切盡在不言中。對於這對有情有義的2Y CP，網民由開始到現在均大為受落，昨晚繼續留言大讚：「成套劇就嚟完，兩個都冇咀咀但又拍得出嗰種愛意，高手之作」、「真係好勁，我諗係第一套劇有情侶咩都冇做，但係又做到好愛嘅感覺」、「完全冇親密鏡頭，但係佢哋兩個真係做到好愛嘅感覺」。到底YT同阿Yan最終能否執子之手、與子偕老呢？YT呢場開腦手術戲鏡頭前好緊張，但鏡頭後好佻皮。開始做手術嘞。CP由開播到依家都好受歡迎。到底陳豪會情歸郭柏妍？唐明喺大結局發力追番蘇怡，到底佢會唔會成功打動到女方呢？Vincent喺最後一集，會同葉晴有場好深入嘅交談。昨晚，YT（郭晉安飾）、葉晴（胡定欣飾）及唐明（馬國明飾）飛赴上海參與世衛會議。曾因演出《木棘證人》引起關注的蕭麗芠（前名蕭凱欣）、飾演患上脊髓性肌肉萎縮症的冼翠紅。如果有細心留意，佢全程講說話都有啲唔清楚，而脊髓性肌肉萎縮症其中一個重要病徵正正係肌肉無力，會出現咳嗽無力及哭聲微弱等徵狀。無線娛樂新聞台主播王鎮泉飾演患有先天性無丙種球蛋白血症的麥世昌。有份參與拍攝的林子超透露，相關場口拍攝一Shot落，台前幕後都需要高度投入及集中。除了以上三位藝人，劇組還安排了其他資深特約演員飾演不同罕見病病患。明成北醫生聽著聽著這些個案的遭遇，均很難過。雖然只是簡單幾句，但林子超和劇組依然做足功課，為了就是讓觀眾對相關罕見病有多點認識，以及更關注罕見病及罕見病病人。尋晚場Ending戲掀起熱討，主要係YT同埋阿Yan深情又複雜嘅眼神吸引咗大家。阿Yan強忍淚水細說手術有關的安排後，再哽咽吐出：「我係你嘅主刀醫生，呂靄寧。」個個都話呢句對白好有感染力。仲有呢一句，都係令網民聽到好心痛。白色强人2