佘詩曼再演「三好」 公開蛇腰保養秘訣

佘詩曼再演「三好」 公開蛇腰保養秘訣佘詩曼 Charmaine Sheh 喺劇集《宮心計》飾演嘅劉三好令人印象深刻，早前劇集喺深夜重播，再度掀起煲劇潮，而阿佘近日亦憑呢個角色，贏得廣告商嘅青睞，搵佢拍攝保健產品廣告。原來有份促成呢個廣告嘅幕後軍師，就係當年《宮心計》嘅監製 #梅小青 ，廣告拍攝當日，阿佘同嚟探班嘅小青姐開心聚舊，佢仲話因為品牌老闆係小青姐嘅好朋友，而製作方面則由 #梅小惠 團隊負責，同樣係佢認識多年嘅朋友，阿佘話：「不過以咁樣合作形式就係第一次，所以呢個廣告都幾特別，同雙妹嘜合作。」唔少人因為疫情成日留喺屋企，搞到肥咗唔少，不過阿佘依然Keep住條蛇腰，皮膚亦非常嫩滑，阿佘都有分享保養心得：「這兩三年疫情關係，都比之前注重健康，每天盡可能做30分鐘簡單拉筋瑜伽動作，多年來都係少食多餐。」而今次嘅製作總監梅小惠，就大讚阿佘專業，好多shot都係一take搞掂晒，而表情同對白都拿捏得好精準。#佘詩曼 #劉三好 #宮心計 #梅小青 #梅小惠