【01娛樂】姚焯菲難頂轉天氣濕疹發作 成塊面乾燥痕癢：都跟咗我15年！姚焯菲（Chantel）、鍾柔美（Yumi）及張馳豪（Aska）昨晚（6/9）聯同一群朝氣十足的舞蹈藝員現身電視城為全新禁毒宣傳歌《青春作風》表演項目排練。提到戰友冼靖峰（Archie）今晚缺席項目排練，Aska表示：「因為佢同染疫嘅Gigi有過緊密接觸，公司為咗安全起見，暫時都唔會安排佢同我哋工作。不過佢而家係冇事嘅，我哋反而係擔心佢排舞跟唔上啫。」此外，Chantel透露皮膚濕疹又發作，搞到成塊面乾燥痕癢十分難受：「其實我好細個已經有濕疹，每逢轉天氣我就會發作，主要係喺塊面同兩隻腳度，好彩其他身體地方就冇。不過有時帶得多口罩，塊面啲濕疹就會發出嚟，但係幾日之後又會冇咗。（使唔使食藥搽藥膏？）唔使食藥，有時都會搽藥膏嘅，不過今次就冇搽到。（怕唔怕濕疹影響儀容？）咁又唔怕嘅，因為都跟咗我15年，病情都係好輕微，所以我就唔擔心。」姚焯菲Chantel
【01娛樂】姚焯菲難頂轉天氣濕疹發作 成塊面乾燥痕癢：都跟咗我15年！
