鄺潔楹突襲中環市集 做生招牌促銷藝人鄺潔楹(Judy）經營的網上曲奇店在中環街市擺市集，今日（25日）最後一日她突然現身做店長，吸引不少粉絲圍觀，有人大聲問：「買曲奇可唔可以合照？」她爽快答應，事後問到合照有助曲奇促銷，她笑說：「未嘗唔係市場策略，今次係第8次擺pop-up store，好似之前有人嚟檔位，我啲fans會話影咗100張相都冇買嘢，佢就會有壓力，哈哈！同埋估唔到我出現，見到大家都開心。」她說今次市集只擺3日，一來租金和人流問題，二來試過被員工放飛機，冇人幫手，令她大失預算。網上店經營差不多一年，她透露去年總營業額已達6位數，並成功打入咖啡店售賣，令她相當振奮：「今年成績差少少，可能啲人留番啲錢去旅行用。」Judy稱今日出來見人好開心，因為快將入組為劇集《羅密歐與祝英台》開工，她說：「擺埋呢次，要專心拍劇，我係同周嘉洛、吳子沖條線，今次我要着好多露腰裝，導演認真大整蠱，我做甜品成日要試食，特別凌晨先有靈感，所以我嘅消夜時段就係食甜品，搞到條腰唔夠firm，好彩甜品都係低糖。」鄺潔楹做生招牌賣曲奇。實畀佢冧到啦！宅男最開心！邝洁楹
鄺潔楹突襲中環市集 做生招牌促銷
