吳家樂挑戰殘障角色 對演藝工作依然有火藝人吳家樂入行多年，以前都以主持工作為主，近年愈來愈有戲癮的他，不時都會參與劇集演出。之前家樂於劇集《城寨英雄》及《鐵拳英雄》等都過足戲癮，雖然兩劇的動作戲份相當多，但Keep得很好的他都應付自如，演出更被不少網民讚賞，昨日（3日）首播的《美麗戰場》，他都有份演出。日前，家樂為無綫的短劇拍攝，劇中他扮演患有先天腦痙攣的再生勇士羅偉祥先生，家樂受訪時謂：「本身大家都知我鍾意演戲，呢個角色手腳唔靈活，頭可以少少郁動，但係就要坐電動輪椅，本身羅偉祥先生係一個好正面嘅人，要將佢嘅精神演繹出嚟，對我嚟講都係一個挑戰。」除了拍劇，家樂都有參與其他製作的工作，之後有機會、時間，都會參與幕後製作，他謂：「做演員始終係被動嘅，依家網絡世界咁發達，不如嘗試多啲，我覺得年齡唔係問題，最緊要係有冇嗰團火喺度，如果冇咗團火，做乜都冇用。」吳家樂與蔣家旻、楊卓娜及導演葉念琛合作。吳家樂坦言依然愛演戲。今次飾演殘障人士，更要坐輪椅演出。吴家乐
吳家樂挑戰殘障角色 對演藝工作依然有火
