衝上熱搜身第一！陳奕迅跨年騷賣飛賣到Server都入唔到「吹神」陳奕迅（Eason）將舉行12月紅館跨年騷，闊別9年之作《陳奕迅FEAR AND DREAMS 香港演唱會》，於今日（6日）起於城市售票網公開發售由12月9日至31日演出的共18場騷。今次為打擊黃牛每人每次限購4張門票，不過都無阻粉絲搶飛之心，今早10點開售後，由於售票情況反應熱烈，搞到購票網一度未能順利登入，出現塞車情況，需要多次嘗試先成功登入網頁購票，見Server半死嘅情況就知今次Eason個唱嘅威力！而Eason今早亦夠晒貼心咁喺社交網轉載演唱會售票資料，溫馨提示大家唔好錯過。陳奕迅今次個騷限購每人4張飛。太多人搶飛，搞到Server都差啲死埋。大家買到未呀？不過最厲害嘅係佢今次賣飛一個鐘，就已經衝上熱搜身第一名，內地粉絲因為疫情關係嚟唔到，但同時亦有傳Eason會開巡迴騷，搞到一班歌迷等住見「吹神」。不過官網就澄清暫未收到《2022陳奕迅巡迴演唱會》訊息，嗌大家不信謠、不傳謠。陈奕迅
衝上熱搜身第一！陳奕迅跨年騷賣飛賣到Server都入唔到
